Обвинителството следи дали некој го крши референдумот

21/09/2018 09:59
Основното јавно обвинителство ќе ги следи евентуалните неправилности при спроведувањето референдум. Од таму велат дека формирале Комисија за следење противправности поврзани со извршување на кривични дела од Глава шеснаесет: Кривични дела против изборите и гласањето од Кривичниот законик и други кривични дела кои би биле сторени при организирањето и спроведувањето на референдумот на 30 септември. За претседател на Комисијата е определен Џељаљ Бајрами, јавен обвинител во Јавното обвинителство на Република Македонија. Во привремената Комисија членуваат по еден јавен обвинител од четирите Виши јавни обвинителства.
„Проактивното и превентивно делување на Јавното обвинителство со формирањето на привремената Комисија  е одговор на  ставот дека настаните поврзани со претстојниот референдум се од поширок општ интерес во јавноста, каде има потреба од поголема организираност  во насока на заштита од криминални или други противзаконски дејствија“, велат од ОЈО.

Комисијата има за задача на дневна основа да ги следи сите настани поврзани со процесот на организирањето и спроведувањето на референдумот. За оние настани за кои ќе се оцени дека даваат индиции за извршени нерегуларности, известувањата веднаш ќе се проследат до соодветното основно јавно обвинителство. Во исто време, ќе се дадат задолженија до Основните јавни обвинителства за итно постапување, односно да формираат предмет и да ги преземат сите  дејствија за утврдување на сите релевантни факти од кои зависи правилната примена на Кривичниот законик.

Целта на Јавното обвинителство на Република Македонија е на овој начин да се потенцира борбата против кривичните дела поврзани со изборниот процес и гласањето и да се даде поголем придонес кон нивно сузбивање и превенирање.

Во таа насока, Јавното обвинителство на Република Македонија, преку Привремената комисија за следење на евентуални противправности  ја повикува јавноста, граѓанските организации, други организации, политички партии, домашни и меѓународни институции и сите кои сметаат дека во некоја постапка има индиции за сторено кривично дело поврзано со организирањето и спроведувањето на референдумот, да достават поднесок/пријава до Комисијата на електронската адреса – [email protected].

Поврзани содржини

Минчев: Платите во администрацијата се мали, но бараните 30 отсто се преголема сума
Извршени дополнителни испитувања на мостот на Вардар кај Башино Село
Сообраќајот по влажни коловози, снег на патот Тетово – Попова Шапка, Гостивар – Стража и Страцин
Јавното обвинителство ниту еднаш не дало позитивно мислење за условниот отпуст на Мијалков
Во Штип амбулантите се полнат со пациенти со симптоми на грип и слични на грип
Од вечерва врнежи од снег, снежната покривка ќе достигне и над 20 сантиметри
Во понеделник во Струга ќе му биде оддадена последна почит на писателот и новинар Наум Бајо
Во Маврови Анови измерени – 3 степени, преку ден слаб дожд, ноќеска снег

Најчитани