Џафери во Романија и Литванија на ратификацијата на Протоколот за НАТО

Претседателот на Собранието на Република Северна Македонија, Талат Џафери, од денеска до 14 март ќе престојува во работна посета на Романија и Литванија. Спикерот на Собранието ќе биде  во придружба на пратеникот Панчо Минов.

Џафери во собранијата на двете земји членки на ЕУ и НАТО ќе присуствува на чинот на ратификација на Протоколот за пристапување на Република Северна Македонија во НАТО. Во Парламентот на Романија седницата е најавена за 13 март, додека во Сејмот на Литванија чинот ќе се оддржи на 14 март. Притоа Џафери ќе има и обраќање пред пратениците на Сејмот на Литванија, се наведува во соопштението од кабинетот на претседателот на Собранието на Република Северна Македонија.

Во рамките на двете работни посети претседателот Џафери ќе има и билатерални средби со домаќините и со други државни претставници од Романија и Литванија.