Еден загинат и двајца повредени во тешка сообраќајка на патот Градско-Прилеп
Едно лице загина, а две се тешко повредени, во сообраќајна несреќа што утрово околу 10 часот се случи на патот Градско-Прилеп.
Според првичните сознанија кои ги потврди портпарол на СВР-Велес, Верољуб Додевски, станува збор за директен судир помеѓу патничко и товарно моторно возило.
Увидот е во тек, на самото место е и екипа од Територијалната противпожарна единица Кавадарци.
Сообраќајот на местото на несреќата се одвива наизменично по една коловозна лента.