Со смртта на кралицата Елизабета Втора заврши една долга ера во Велика Британија. Таа владееше со кралството 70 години, повеќе дури и од кралицата Викторија од 19. век. Нејзиниот син Чарлс, поранешниот принц од Велс, сега е крал. Тој веднаш ќе ѝ се обрати на ужалената нација. Сите нејзини деца побрзаа во замокот Балморал во Шкотска откако лекарите се „загрижија“ за нејзиното здравје. Неколку часа подоцна таа почина, опкружена со своето семејство.
Во 18.30 часот по локално време била констатирана нејзината смрт. Портпаролот на Бакингемската палата рече: „Кралицата умре мирно во Балморал попладнево. Кралот и придружбата на кралицата ќе останат во Балморал оваа вечер и ќе се вратат во Лондон утре“.
Смртта на кралицата ќе доведе до тоа Британија и нејзиното кралство на Комонвелтот да влезат во десетдневен период на жалост. За многумина таа е најголемата Британка во историјата и несомнено најпознатата жена на земјата. За милијарди ширум светот таа беше самото лице на Британците.
Еве ја историјата на оваа извонредна личност низ фотографии.