Зеленски до Радев: За каков конфликт зборувате претседателе?

„Ова не е конфликт, туку војна, војна за уништување на Украина, да се убиваат Украинци, а не други земји и фала му на бога“, му реплицираше украинскиот претседател Володомир Зеленски на бугарскиот лидер Румен Радев кој, глумејќи политичар загрижен за мирот, го намали значењето на тоа што се случува во Украина нарекувајќи го „конфликт“. Наедно на средбата тој му соопштил на Зеленски дека не поддржува Бугарија да и даде муниција на Украина, нешто што го порачува во континуитет но се случува обратно. 

„Ако ова е конфликт, тогаш земјата нема да ја остават милиони луѓе. Ние мора да ги поставиме точките, инаку некој друг ќе ги постави. Ние го имаме ова право бидејќи војната е на наша територија, така што знаеме дека ова е војна, а не конфликт“, изјави украинскиот претседател, Володимир Зеленски.

„Господинот претседател рече дека не поддржува да ни се даде муниција за да не ослабне вашата армија или да не го поддржувате зајакнувањето на Украина. Вашата армија, што и да имате, нема да биде доволна да се борите ако Русија дојде овде… Ваше право е да не поддржувате помош за Украина. Добро е да им давате на луѓето за да се бранат да не ви дојде војната. Не дај боже да стане трагедија и да ви дојде војната, што ќе правите тогаш ако никој не ви помогне?“, го праша Румен Радев.

 Зеленски изрази уверување дека неговата земја ќе стане членка на ЕУ:

„Украина и Европа имаат заеднички вредности. Русија сака да ги уништи НАТО, ЕУ, Европа. Ова се нивните цели. Дали разбирате? Ова не е конфликт, господине претседателе! Путин не води само војна против нас, Русија сака да нè уништи, а ние само сакаме да живееме“.

Бугарскиот претседател Румен Радев му кажа на својот украински колега дека уште во првите часови ја осудил руската агресија во Украина.

„Сакам да ја изразам нашата солидарност со народот на Украина и со жртвите на оваа сурова војна, која сè уште беснее во моментот. Во првите месеци Бугарија им подаде рака на илјадници граѓани на Украина, а многу од нив продолжуваат да бидат под заштита на бугарската држава,“ рече шефот на бугарската држава.

Тој ја истакна и декларацијата за воена поддршка од Бугарија за Украина потпишана денеска.

„Оваа декларација е важен чекор во развојот на нашите односи, но јас не прифаќам предавање муниција, особено од резервите на бугарската армија. Јас како претседател, како и вие, имам заложба дека одбранбените капацитети на Бугарија не треба да се намалуваат бидејќи безбедносното опкружување е алармантно и во нашиот регион, за сите нас е уште посериозно што конфликтот се шири и добива нови димензии“, истакна и Радев и додаде дека непријателствата стануваат сè пожестоки, а сè повеќе луѓе умираат, вклучително и Бугари од заедницата во Украина.

„Овој конфликт нема воено решение и сè повеќе оружје тешко води до ова мирно решение, кое не се постигнува. Во овој поглед важно е да се обрне внимание на конзистентните напори за деескалација и барање мирни решенија со дипломатски средства, многу се надевам дека побргу ќе видиме мирно решение, се надевам дека тоа ќе се случи во пресрет на длабоките културни врски меѓу нашите народи“, истакна Ремен Радев.

Тој ја отвори иницијативата на претседателот Зеленски за „Формула за мир“, која е во 10 точки.

За време на посетата на Зеленски се случи гаф и на прес конференцијата на која една новинарка го праша дали може да сними филм „Зеленски ќе победи“ по завршувањето на војната.

-Воопшто не може да се зборува за филмови. Треба да го разберете ова. Изгубивме илјадници вистински животи. Не можеме да зборуваме за тоа, извинете. Можеби очекувавте поинаков одговор, но ова е вистината, одговори украинскиот претседател.

Зеленски од Бугарија замина за Турција на средба со турскиот претседател Таип Реџеп Ердоган.