Возобновен Националниот контакт центар за економски мерки

Владата го возобнови Националниот контакт центар на кој преку бесплатната телефонска линија 0800 00 207, граѓаните во директна комуникација со операторите, кои се професионалци од соодветните институции, ќе може да добијат информации за економските мерки кои ги носи Владата за справување со кризата предизвикана од коронавирусот Ковид 19, соопштија од кабинетот на вицепремиерот Фатмир Битиќи, од кого потекна иницијативата.

Националниот контакт центар започна со полна оперативност од денес, а на повиците на граѓаните, секој работен ден од 08:00-16:00 часот, ќе одговараат лица вработени во Кабинетот на вицепремиерот за економски прашања, Министерството за финансии, Министерството за економија, Министерството за труд и социјална политика, Генералниот секретаријат на Владата, Управата за јавни приходи и Развојната банка на Република Северна Македонија.

Националниот контакт центар е  воспоставен со заедничка соработка на Владата на Република Северна Македонија и канцеларијата на Програмата за развој на Обединетите Нации (УНДП) во Скопје.

Покрај контакт центарот, граѓаните може да се информираат за сите актуелни вести поврзани со коронавирусот Ковид 19, како и за економските и други мерки на Владата поврзани со справувањето и спречување на ширењето на коронавурусот на веб страницата koronavirus.gov.mk, е вели во соопштението до медиумите.