(Видео) Официјален пречек на претседателката на ЕК Урсула фон дер Лајен од страна на премиерот Ковачевски

Претседателот на Владата на Република Северна Македонија, Димитар Ковачевски на 30 октомври (понеделник) 2023 година во 9 часот ќе ја пречека претседателката на Европската комисија, Урсула фон дер Лајен која пристигнува во официјална посета на Република Северна Македонија со официјална церемонија за пречек со највисоки државни и воени почести.

Според агендата за официјалната посета на претседателката на ЕК, фон дер Лајен на земјава, веднаш по церемонијата на пречекот е предвидена тет-а-тет средба со премиерот Ковачевски, по што ќе следува билатерална средба на двете делегации.

Во составот на македонската делегација ќе бидат и Артан Груби, Прв Заменик на Претседателот на Владата и министер за политички систем и односи меѓу заедницитa, Бојан Маричиќ, заменик на Претседателот на Владата за европски прашања, Бујар Османи, министер за надворешни работи, Благој Бочварски, министер за транспот и врски, Каја Шукова, министерка за животна средина и просторно планирање и Азир Алиу, министер за информатичко општество.