Во сообраќајка загина 36-годишна жена од Прилеп


Фото: Б.Грданоски

Жена на возраст од 36 години починала вчера, а три лица се потешко повредени во сообраќајка која се случила на магистралниот пат Битола-Прилеп. Како што соопштуваат од МВР:

„На 20.07.2020 во 15.30 часот на магистрален пат Битола-Прилеп, кај с.Тополчани, се случила сообраќајна незгода помеѓу товарно возило „фиат“, со прилепски регистарски ознаки, управувано од З.Б.(60) од Прилеп, патничко возило „ауди“, со бугарски национални ознаки, управувано од Б.Т.(22) од Битола и патничко возило „фиат добло“ со прилепски регистарски ознаки, управувано од М.К.(21) од Прилеп“.

Во незгодата на лице место починала В.В.(36) од Прилеп, сопатничка во патничкото возило „фиат добло“, додека возачот М.К. и Н.Д., сопатник од истото возило, како и возачот Б.Т. на патничкото возило „ауди“ биле пренесени во Клиничка болница Битола за укажување на лекарска помош.

Увид на местото на незгодата извршиле Јавен обвинител и екипа од Полициска станица Прилеп.