Во Липковско најдени неексплодирани гранати од конфликтот во 2001 година

Во неделата, во СВР Куманово било пријавено дека во село Отља, Липковско, при ископ за поправка на водовод, биле пронајдени седум неексплодирани гранати.

Во понеделникот, екипа од СВР Куманово извршила увид, а пиротехничар од Дирекцијата за заштита и спасување, констатирал дека станува збор за гранати од рачен ракетен фрлач кои најверојатно потекнуваат од 2001 година.

Гранатите биле безбедно подигнати за понатамошна постапка.