Во Хрватска дизелот и бензинот не поскапуваат. Владата дополнително ги намали акцизите

Хрватската влада на денешната телефонска седница одлучи дополнително да интервенира во цените на горивата со цел да се спречи зголемување на цената на бензинот и дизелот по силниот пораст на цените на нафтата и дериватите на светските берзи, јавија медиумите во Хрватска.

Така, утре литар бензин и натаму ќе се продава за 1,67 евра, а дизелот за 1,79 евра. Во исто време, синиот дизел ќе поскапи за 13 центи, ЛПГ за резервоари за осум, а ЛПГ за боци за седум центи. Новиот режим ќе важи седум дена.

Владата наведува дека, со сегашните мерки, зголемувањето на цените на светските пазари би довело до зголемување на цената на бензинот за шест центи по литар, а на дизелот за дури 14 центи.

За да се спречи ова, акцизата за бензинот дополнително е намалена за 2,5 центи по литар. Акцизата за дизелот беше намалена за уште девет центи по литар, со што одобрението од Европската комисија беше искористено за Хрватска привремено да се спушти под минималното ниво на акциза пропишано со правилата на ЕУ.

Во следните седум дена, дозволената премија за бензин и дизел исто така ќе биде намалена за два центи по литар.