Во хеликоптерска несреќа во француските Алпи загинаа пет лица

Франција– Францускиот претседател Емануел Макрон синоќа изјави дека во хеликоптерска несреќа што се случи над француските Алпи пет лица го загубија животот, додека едно е повредено и се бори за живот.

Хеликоптерот превезувал воздухопловен спасувачки екипаж, кој бил на обука, и се урнал од висина од 1.800 метри, наведуваат локалните власти.

Еден од пилотите ја активирал функцијата за исфрлање со седиштето и со тоа успеал да ги извести властите за несреќата, пренесуваат британските меидуми.

Во хеликоптерот имало двајца пилоти, двајца техничари и двајца спасувачи.

Властите испратија три хеликоптери, што не можеа да се приближат до местото на несреќата поради магла, а спасувачките служби, исто така, се обиделе да пристапат по копно, се вели во соопштението од покраината Савој.

Француската агенција за несреќи во воздушниот сообраќај соопшти дека отворила истрага и дека ќе испрати својот тим на местото на несреќата.