Во Британија рекорден број починати од корона вирус-1.564 за еден ден

Во Велика Британија во последните 24 часа бројот на смртни случаи од коронавирусот достигна нов црн рекорд од 1.564, додека бројот на нови инфекции се зголеми за 47.525.

Како што пренесуваат британските медиуми, бројот на починати е поголем отколку на 8 јануари, кога претходно беше регистриран рекорден број смртни случаи, кој изнесуваше 1.325.

Вкупниот број смртни случаи во Велика Британија е 84.767, додека вкупниот број заразени со вирусот од почетокот на пандемијата во таа земја е 3.211.576, објави „Ворлдметерс“.