VMRO: Zaev po sillet si monark afrikan

Nëpërmjet një kumtese nga partia maqedonase opozitare VMRO-DPMNE thuhet se “Shoqëria e Maqedonisë është në peng nga i amnistuari Zoran Zaev”.

“Maqedonia për momentin i përjeton ditët më të errëta në historinë e saj që nga pavarësia deri sot, kohë kur qeverisja e LSDM-së përpiqet të vendos mendim të njëjtë dhe ta në kthejë në sistemin një partiak nga e kaluara. Demokracia në shtet për dy vite është shkëputur, dhe të gjithë ata ata që nuk pajtohen me politikat katastrofale të Qeverisë janë viktima të përndjekjes politike, thirrjeve në bisedime informative, po ballafaqohen me shtypje nga largim nga puna dhe raste të montuara politike kundër tyre”, thonë nga VMRO-DPMNE, njofton Telegrafi Maqedoni. Sipas partisë opozitare, Zaevi po sillet si një monark afrikan që dëshiron të qeverisë me shtet të sapo formuar në kundërshtim me vullnetin e popullit dhe se ai ikë nga debati me kryetarin e OBRM-PDUKM-së duke e ditur se argumentet nuk janë në anën e tij.

“Dy vite qeverisja e LSDM-së, dy vite padrejtësi dhe nënçmim kombëtar për qytetarët e Maqedonisë. Populli po ballafaqohet me degradimin ekonomik dhe varfëri”, thonë nga VMRO-DPMNE duke shtuar se Qeveria nuk sjell investime të reja, vende të lira të punës.

Ata thonë se po i vjen fundit të zezave që Qeveria e LSDM-së i solli dhe se shumica e qytetarëve, sipas VMRO-DPMNE-së, do të luftojnë me këtë qeverisje kriminale.