(Видео) САД под удар на силна снежна бура: Тоа е „ураган со снег“
Налетот на бурата се протега од Јужна Каролина сè до Мејн и покрај снежната бура ќе донесе и урагански ветрови во крајбрежните области. Пет американски држави прогласија вонредна состојба
Источното крајбрежје на САД од утрово го зафати големо снежно невреме, прв пат по четири години во овој регион.
Налетот на бурата се протега од Јужна Каролина сè до Мејн и покрај снежната бура ќе донесе и урагански ветрови во крајбрежните области. Пет американски држави прогласија вонредна состојба, јавува Би-Би-Си. Градоначалничката Мишел Ву од Бостон, град каде што снежните врнежи не се непознати, рече дека невремето може да биде историско.
Во Нова Англија би можело да наврне повеќе од два метри снег. Метеоролошките власти предупредуваат и на поплави во близина на брегот. Над 5.000 летови во САД беа откажани помеѓу петокот и неделата, според FlightAware.
Може да паднат огромни количества снег
Синоптичарите велат дека постои можност бурата, позната како Нористер, да ја покрие областа Бостон со снег до 61 сантиметри. Сегашниот рекорд од 70 см за 24 часа е поставен во 2003 година.
Експертите велат дека бурата ќе помине низ „бомбогенеза“, што значи дека се очекува постуден воздух да се меша со потопол морски воздух, што ќе доведе до брз пад на атмосферскиот притисок. Процесот води до таканаречените бомби-циклони, пренесува Хина.
Getting real here in #Gloucester ! #mawx @foxweather @FoxNews #foxweather #noreaster pic.twitter.com/NtsEDzpf8c
— Robert Ray (@RobertRayWx) January 29, 2022
„Патувањето треба да биде ограничено само на итни случаи“, предупреди Националната метеоролошка служба (NWS) во Бостон. „Ако треба да патувате, носете со себе комплет за преживување во зима. Ако заглавите, останете во возилата“, се вели во предупредувањето.
Силно невреме почна да го погодува брегот на земјата во раните утрински часови во саботата, а снежни врнежи веќе се забележани во неколку држави.
Nor’Easter is getting intense. #noreaster #snowstorm #Blizzard #MAwx #scituate pic.twitter.com/wlr01bNzeS
— WxChasing- Brandon Clement (@bclemms) January 29, 2022
Издадени се предупредувања, луѓе ги празнат полиците на продавниците
„Ова ќе биде многу голема бура, веројатно една од најголемите што сме ги доживеале во последните неколку години. Се очекува условите да го оневозможат патувањето и ги повикуваме сите, колку што е можно, да останат дома утре. “, рече гувернерот на Масачусетс, Чарли Бејкер на прес-конференција.
Little Egg Harbor, Ocean County, NJ #noreaster #blizzard2022 #WeatherUpdate @ABC7NY pic.twitter.com/lpMktZ1By5
— Matt Gilmore (@HappyGilmore117) January 29, 2022
Националната метеоролошка служба издаде предупредување за поплави за крајбрежните области, а Амтрак го откажа патничкиот железнички сообраќај во поголемиот дел од регионот. Тие, исто така, предупредија на снежна бура во метрополитенската област Бостон, каде живеат речиси 4,9 милиони луѓе.
Фотографиите објавени на социјалните мрежи покажуваат дека купувачите се насочуваат кон продавниците и ги празнат полиците додека се снабдуваат со основните потреби пред невремето.
„Североисточниот ветер што ќе дува низ Средниот Атлантик овој викенд ќе донесе екстремен студ и опасни услови за многу заедници“, рече советничката за домашна безбедност Елизабет Шервуд-Рандал, истакнувајќи дека таа активно ќе ги следи проектираните влијанија од бурата и тесно ќе соработува со Федералната агенција за управување со итни случаи за да обезбеди се што е потребно.
JANUARY NOR’EASTER: At least 13” of snow piled up so far in #AtlanticCity – Via @reporterjim. Track the January 2022 #noreaster – https://t.co/LWozFreUFr and send us your photos and videos by using #n12stormwatchers. pic.twitter.com/Mc3CdKxKuu
— News12NJ (@News12NJ) January 29, 2022
Ова е ураган со снег
Томас Кох, градоначалникот на Квинс, ја нарече моќната бура „ураган со снег“.
„Очекуваме некаде помеѓу 9 часот наутро по источно време и пладне услови на апсолутно затемнување“, рече тој во интервју за Си-Ен-Ен.
Nor’easter just getting started in Boston. ❄️ pic.twitter.com/08uAcUkERc
— Jonathan Berk (@berkie1) January 29, 2022
„Нема сомнеж дека ќе ја изгубиме контролата за некое време. Нема шанси да работат плугови кога не гледаат пред нив. Значи, кога зборуваме за 2-3 метри снег, тоа е многу снег“, рече тој.
WABC’s @wallerABC7 and WCVB’s @WxManAJB have the latest as a Nor’easter slams the East Coast and states of emergency are issued.https://t.co/Buw3l1p0Zj pic.twitter.com/Sy5JiVA72o
— Good Morning America (@GMA) January 29, 2022