Вандализам во Карпош: Искорнати дрвјата кои беа засадени деновиве

Вандали во скопски Карпош откорнале новозасадени дрвја во училишен двор. 

– Општина Карпош, која оваа недела, започна со пролетното зазеленување на повеќе локации, меѓу кои и во рамки на ООУ „Христијан Тодоровски Карпош“, вчеравечер непријатно беше изненадена од вандалскиот чин на непознати сторители кои буквално ги откорнале ново засадените дрвја кои беа насадени во ова училиште. Станува збор за неколку млади садници кои требаше оваа пролет да ја освежат и разубават училишната околина во која престојуваат основците од ова училиште, соопштија до локалната самоуправа на Карпош. 

Општина Карпош го осудува девијантното однесување на несовесните граѓани и во оваа прилика, апелира до сите жители на Карпош и пошироко, да се грижат за здравата животна средина, се наведува во нивната реакција со која споделија и фотографии од самото место.