Украинката републиканка Викторија Спартц загуби на изборите за Конгресот

Републиканската конгресменка Викторија Спартц, родена во Украина, ја загуби трката за реизбор во  Индијана. Таа беше поразена од демократот Џ. Д. Форд, со што заврши нејзиниот шестгодишен мандат во Претставничкиот дом на САД.

Спартц, која е родена во Черниговската област во Украина, стана првиот член на Конгресот роден во Украина во 2020 година, откако се преселила во САД во 2000 година. Иако првично ја поддржуваше Украина по целосната руска инвазија во 2022 година, Спартц подоцна стана критичар на претседателот Володимир Зеленски и на американската воена помош за Киев.

Во април 2024 година, барајќи построг надзор над американската помош и појасна стратегија за поддршка на Киев, таа гласаше против пакетот помош за Украина во вредност од околу 61 милијарда долари.

Нејзиниот став предизвика гнев кај Украинците од нејзиниот роден крај. Некои од нив изразија разочарување што првиот член на Конгресот роден во Украина не го поддржал финансирањето.

Во април 2025 година, Спартц изјави дека Украина треба да ѝ отстапи територија на Русија и побара оставка од претседателот Володомир Зеленски. Министерството за надворешни работи на Украина одговори на нејзините изјави, при што портпаролот Хеорхиј Тихи изјави: „За разлика од Викторија, целата наша земја отсекогаш била и засекогаш ќе остане украинска“. Претседателот на парламентот, Руслан Стефанчук, ја обвини дека ги повторува наративите на Кремљ.

Спарц ги поддржа напорите на американскиот претседател Доналд Трамп за преговори со цел ставање крај на руската војна против Украина, истовремено критикувајќи го пристапот на администрацијата на Џо Бајден кон конфликтот.

Според „The Advocate“, победата на Форд претставува и политичка пресвртница во Индијана, со што тој станува првиот отворено геј член на Конгресот од оваа сојузна држава.