Тројца конгресмени кои се скрија при нападот на Капитол позитивни на Ковид-19

Тројца пратеници кои мораа да се засолнат заради безбедност за време на немирите во Капитол во САД, се позитивни на Ковид-19.

Прамила Џајапал, демократ од државата Вашингтон, го објави својот позитивен резултат рано во вторникот и ги обвини своите републикански колеги дека одбиле да носат маски додека чекаа во обезбедена просторија повеќе од пет часа.

Претставникот на Њу Џерси, Бони Вотсон Колман, исто така демократ, рече дека одлучила да се тестира поради можноста за изложеност и дека била позитивен. Колман (75) има преживеано рак.

Подоцна во вторникот, Бред Шнајдер, друг демократ, од Илиноис, објави дека и тој бил позитивен на тестот. „Денес јас сум во строга изолација, загрижен дека сум го ризикувал здравјето на мојата сопруга и лут на себичноста и ароганцијата на антимаскерите кои го ставија сопствениот презир и непочитување на пристојноста пред здравјето и безбедноста на нивните колеги вработените“, рече тој во изјавата на својата веб-страница.

Д-р Брајан Монахан, лекар во Конгресот, ги советуваше претставниците и персоналот во неделата дека оние во обезбедената просторија можеле да бидат „изложени на друг човек со инфекција на корона вирусот “.

Џајапал повика на „сериозни казни“ за пратениците кои не носеле маска, ставајќи ги во ризик своите колеги. Шест републиканци, беа видени на видео снимка како одбиваат да прифатат маска, според Си-ен-ен.