Трамп се подготвува за трка во 2024: „Ќе се видиме за четири години“

На приемот за републиканците во Белата куќа се собрани многу луѓе еден до друг и без маски

Доналд Трамп почна да ја шири идејата да се кандидира повторно за претседател во 2024 година на празничен прием во Белата куќа во вторникот вечерта.

„Тоа беа неверојатни четири години“, им рече Трамп на насобраните, меѓу кои имаше многу членови на Републиканскиот национален комитет. „Се обидуваме да направиме уште четири години. Инаку, ќе се видиме за четири години“.

Коментарите на Трамп се чинеше дека признаваат дека тој може да ги загуби изборите. Додека се шпекулираше за претседателска трка во 2024 година и многу американски набљудувачи на политиката очекуваат тој наскоро да објави намера, тој претходно не зборуваше јавно за тоа.

Видеото беше пренесено во живо на Фејсбук од еден присутен на забавата. На снимката се гледаат десетици луѓе набиени еден до друг. Многумина на видеото не носеа маски. Се слушаше кашлање.

Трампови оваа недела започнаа да организираат празнични приеми, со намера да ја прослават последната сезона пред Трамп да ја напушти функцијата на 20 јануари. Трамп официјално не го призна поразот, но задоцнето дозволи да продолжи транзицијата кон Бајден.

Според објавите на социјалните мрежи, прегледани од Асошиетед прес, божикните настани во Белата куќа се со огромен број присутни присутни честопати без маски, собрани во затворен простор – кршејќи ги многу јавните здравствени упатства со кои американската влада ја притиска нацијата да ги следи оваа празнична сезона додека случаите на Ковид-19 вртоглаво се зголемија низ целата земја. (АП)