Стојковски во сред изборна кампања почна изградба на детска градинка во Дексион

Актуелниот градоначалник на Општина Ѓорче Петров во Скопје, од редовите на ВМРО-ДПМНЕ, кој бара уште еден мандат од своите сограѓани во недела, денеска почна со изградба на детска градинка, што е строго забрането со оглед на тоа што се наоѓаме во изборна кампања. 

Тој денеска на социјалните медиуми се пофали со почеток на изградбата на детска градинка во Дексион со капацитет нод повеќе од 120 деца.

Имено, во членот 8-а од Изборниот законик стои дека „Од денот на распишување на изборите до завршување на изборот, забрането е започнување на изградба на нови објекти, инфраструктурни проекти или активности финансирани од буџетски средства, освен ако тие се предвидени со годишен план и се започнати пред распишувањето на изборите.“

Во пракса тоа значи дека не смее да се започне со нова изградба на патишта, училишта, водоводи, спортски сали и други јавни објекти. Односно, се  дозволува продолжување на веќе започнати проекти, но не и нивна промоција или свечено отворање. Целта е да се спречи злоупотреба на јавни ресурси за политичка промоција во изборен период.

Оваа одредба е дел од пошироките мерки за обезбедување фер и транспарентен изборен процес, и ја следи Државната комисија за спречување на корупција (ДКСК).

Казната за прекршување на член 8-а од Изборниот законик може да биде прекршочна постапка, парична казна и јавна објава на прекршувањето, но точниот износ и постапка зависат од конкретниот случај и одлуката на надлежните институции.

Член 8-а од Изборниот законик забранува започнување нови активности финансирани од јавни средства во изборен период. Прекршувањето на овој член се третира како прекршок според Законот за прекршоците, а не како кривично дело.

Постапката започнува со пријава до Државната комисија за спречување на корупција (ДКСК), која може да поднесе барање за поведување прекршочна постапка пред надлежен суд.

Пред судска постапка, може да се спроведе постапка за порамнување, во која прекршителот може да признае вина и да се договори за казна.

Паричната казна може да варира во зависност од тежината на прекршокот, институцијата што го направила, и дали има повторување.

Одговорност може да сносат градоначалници, директори на јавни претпријатија, министри или други функционери кои одобруваат или промовираат започнување нови проекти во изборен период.