Со специјален лет граѓаните кои се во Словенија се враќаат дома

Со специјален лет на компанијата Виз Ер, околу 130 наши граѓани кои престојуваа во Словенија се враќаат дома во Македонија.

Како што јави дописникот на МИА од Љубљана, авионот претпладнево полета од аеродромот Берник, а во него беа оние кои поради епидемијата на коронавирусот сакаа да се вратат дома.

Сите тие претходно дале согласност дека ќе останат 15 дена во државен карантин.

Во организирањето на летот учествуваа Министерството за надворешни работи и Амбасадата на Македонија во Словенија чии претставници лично ги испратија нашите граѓани до аеродромот.