„Ситроен“ го претстави хибридниот C5 Aircross

Француската компанија „Ситроен“ ја претстави хибридната верзија на својот модел C5 Aircross.

„Ситроен“ ја збогати понудата на својот семеен SUV C5 Aircross со plug-in хибридна верзија, која им се придружува на веќе достапните опции за дизел и бензин.

Погонот Hybrid 136 вклучува додавање на 48V хибридна технологија на бензинскиот мотор Puretech. „Ситроен“ тврди дека благодарение на електричниот мотор од 21 kW и 6-брзинскиот автоматски менувач, 1,2-литарскиот мотор со 134 КС постигнува заштеда на гориво до 30% за време на градското возење. Овој Euro 6 мотор испушта 129 грама CO₂/км, што е речиси 12% помалку од дизел верзијата и 15% помалку од верзијата со „чист“ бензин.

Вртежен момент од 229 Nm е достапен при 1.750 вртежи во минута, а „Ситроен“ користеше VGT турбополнач за да обезбеди поголема моќност при помали брзини.

Очигледно, цените меѓу хибридот и дизелот не се многу различни, иако моторот е специјално развиен за хибридизација. Околу 40% од деловите се целосно нови и конфигурирани така што новата хибридна технологија не го загрозува просторот во багажникот и внатрешноста.

Хибридот овозможува помала потрошувачка на гориво без потреба од полнење гориво.