Почина жената која што беше застрелана во Капитол (видео)

07/01/2021 00:27

Почина жената која што беше застрелана пред Конгресот на САД за време на немирите, јави Си-Ен-Ен.

Претходно, медиумите јавија дека полицијата во Вашингтон застрела една жена од демонстрантите пред зградата на Капитол. Таа е однесена на носилки, облеана во крв. Телевизијата исто така јави дека зградата на Конгресот е „сигурна“, односно дека во неа нема повеќе демонстранти.

Агенти на Федералното биро за истраги (ФБИ) влегоа во Конгресот на САД, откако демонстрантите кои денеска упаднаа во законодавниот дом ја напуштија зградата, по видео обраќањето на претседателот Доналд Трамп. 

Но, иако тој ги повика да заминат дома, толпата се уште е пред Конгресот, а се забележуваат и групи по централното подрачје на Вашингтон. 

Во 18:00 часот по локално време во Вашингтон почна полициски час кој беше воведен претходно од градоначалничката Мјуриел Баузер. Таа ја повика и Националната гарда во помош да се воспостави поредок во градот. 

На Твитер се појави снимка на која се гледа жената непосредно откако беше застрелана. (Вознемирувачко видео)

Поврзани содржини

Јапонија започна вонредна инспекција на 196 воени авиони за обука по падот на еден од нив
Казна или награда: „Главниот адвокат“ на ЕК заминува на нова должност
Конфузија околу можните преговори на Украина и Русија во Истанбул
Инциденти меѓу демонстранти и полицијата на влезот на судот во Нови Сад
Рубио: Вашингтон е подготвен да разгледа „секаков механизам“ за постигнување крај на војната
Јоханес Хан има нова мисија – специјален пратеник на ЕУ за Кипар
Сите очи вперени во Истанбул: Почнуваат преговорите меѓу Москва и Киев, Путин испрати пратеник, а што е со Зеленски?
Швајцарија ќе го ограничи движењето од ЕУ доколку се зголеми миграцијата

Најчитани