Шпанската принцеза го замени гламурот за воена униформа и автоматска пушка

Шпанската принцеза Леонор успешно го заврши првиот дел од обуката на воената академија, а на церемонијата „Чин на доставување сабји“ и беше доделена титулата витез.

17-годишната принцеза моментално поминува тригодишна практична воена обука, откако минатиот месец се запиша на воената академија во Сарагоса, североисточна Шпанија. Таму ќе помине една година, пред да се префрли во поморската школа, а потоа третата година ќе ја помине на Генералната воздушна академија.

Наследничката на шпанскиот трон ќе стане врховен командант на вооружените сили кога ќе стане монарх.

Неодамна објавените фотографии од нејзиниот тренинг покажуваат како и оди на тренинзите, а се чини дека и оди добро, бидејќи како што вели се чувствувала доста нервозно кога пристигнала на тренинг. Така на фотографиите можете да го видите како истражува, вежба, но и како позира со други колеги.

Иако е позната по својот елегантен стил исто како и нејзината мајка кралица Летиција, принцезата го замени кралскиот гламур за воена униформа и автоматски пушки.

Потсетуваме, министерката за одбрана Маргарита Роблес во март најави дека престолонаследникот на Шпанија ќе ја започне својата воена обука оваа година во август и изјави дека тоа е нејзина обврска бидејќи во сите парламентарни монархии престолонаследникот мора да има воена кариера.