Шестмина од Шпанија во најдобриот тим на ЕВРО2024
![](https://nezavisen.mk/wp-content/uploads/2024/07/8f99612a-1273-41ed-ad78-cd9d57cb9c13.jpg)
Нион – Шпанскиот играч за врска Родри и 17-годишниот Ламине Јамал се меѓу дури шестмината шпански фудбалери во идеалниот тим на ЕУРО 2024 што денеска го објави УЕФА.
УЕФА избра формација 4-3-3 која беше една од најкористените за време на турнирот, а дефанзивецот Кајл Вокер е единствениот англиски играч именуван во тимот.
Покрај Родри, Јамал и Вокер, во најдобрите 11 се најдоа Мајк Маињан (Франција), Мануел Аканџи (Швајцарија), Вилијам Салиба (Франција), Марк Кукурела (Шпанија), Даниел Олмо (Шпанија), Фабијан Руиз (Шпанија). Јамал Мусиала (Германија) и Нико Вилијамс (Шпанија).
Шпанија во финалето ја победи Англија со 2-1 за четврта титула на Европското првенство.