Сега гинат 600 руски војници дневно, тврди Киев

Загубите на рускиот персонал се зголемуваат бидејќи Украина добива информации за локацијата на руските сили од страна на Украинците кои остануваат на окупирана територија, соопшти украинската војска.

Неодамнешните податоци на украинските власти покажуваат дека бројот на руски војници кои секојдневно се убиваат се зголемува од 150-200 на околу 600.

Бројката за четврток беше 650, со што вкупниот број од почетокот на војната достигна околу 51.900.

Олекси Хромов, заменик-началник на Генералштабот на вооружените сили, беше прашан за порастот за време на брифингот со новинарите во четвртокот, објави „Правда“.

„Свесните Украинци, без разлика каде се, на окупираниот Крим или на окупираните територии на регионот Херсон, или на Запорожје, или во Донецк, Луганск и другите области, свесните граѓани ефективно им помагаат на нашите вооружени сили“, рече тој.

„Не е тајна дека благодарение на нив имаме одредени информации за локацијата на руските окупаторски сили. Благодарение на нив можеме да ги зголемиме овие бројки [руски загуби]“, рече тој