Санкциите против НИС повторно одложени

Српскиот претседател Александар Вучиќ денеска соопшти дека американските санкции за српската нафтена индустрија се одложени за уште 30 дена.

– Го направивме тоа! Добивме уште едно 30-дневно одложување на санкциите за НИС. Им благодариме на сите луѓе во Србија кои се бореа и им благодариме на нашите американски партнери за разбирањето. Ја зачувавме стабилноста, ја враќаме Србија на патот на успехот“, објави Вучиќ на Инстаграм.

Нафтената индустрија на Србија е предмет на санкции бидејќи е во мнозинска сопственост на руски Гаспромњефт и Гаспром. И додека се бара нов сопственик кој би можел да ги преземе руските акции, американската Канцеларија за контрола на странски средства (ОФАЦ) веќе неколкупати му издаде дозвола од 30 дена на хрватскиот Јанаф да продолжи да транспортира сурова нафта до рафинеријата Панчево.

Имено, токму преку хрватскиот Јанаф нафтата пристигнува во Србија, а хрватскиот министер за економија Анте Шушњар неодамна ја изнесе идејата Јанаф да ги откупи руските акции во НИС.

„Губењето на бизнисот на Јанаф со НИС би значело губење на добар дел од приходите, но и зголемување на трошоците поради складирањето на дел од нафтата што не може да се транспортира“, рече тој во средата, додавајќи дека Владата, Јанаф и НИС прават се што можат за да не се случи тоа.

На прашањето како го замислува преземањето на уделот во НИС од страна на Јанаф, Шушњар рече дека тоа го предложил со оглед на меѓусебната економска зависност на двата ентитета.

Во случај на влез на сопственост во НИС, Јанаф нема да има претензии да стане подоминантен партнер, за што малопродажниот пазар не е важен, посочи тој. Тој додаде дека Хрватска ја испратила пораката пред се за да ги заштити интересите на Јанаф, но дека засега нема одговор од Србија.