Руските сили го гранатираат Киев, кон градот се упатуваат и тенкови
Украинските власти јавија дека врз во раните утрински часови во петокот почнале ракетни напади додека руските сили се приближуваат кон главниот град.
„Ужасни руски ракетни напади врз Киев“, напиша на Твитер министерот за надворешни работи на Украина, Дмитро Кулеба, правејќи споредба со Втората светска војна, пренесува Политико.
„Последен пат нашиот главен град доживеа вакво нешто во 1941 година, кога беше нападнат од нацистичка Германија. Украина го победи тоа зло и ќе го победи ова“.
Нападите доаѓаат приближно 24 часа откако рускиот претседател Владимир Путин започна целосно бомбардирање и инвазија на Украина, повикувајќи ја земјата да се разоружа и да се откаже од амбициите за приклучување кон НАТО.
Нападот предизвика брза осуда од западните лидери, а САД, Велика Британија и Европската унија најавија дополнителни санкции против Москва, насочени кон олигарсите, банките и другите сектори.
Украинската влада потврди 137 смртни случаи и повеќе од 300 повредени. Киев, исто така, објави дека руските војници го зазеле радиоактивното место на поранешниот нуклеарен реактор во Чернобил.
„Природата на воената инвазија покажува дека главната цел на режимот на Кремљ е да го блокира Киев, да создаде копнен коридор до окупираниот полуостров Крим и самопрогласено Придњестровје“, се вели во белешката на Генералштабот на вооружените сили на Украина.
Висок претставник на американското Министерство за одбрана изјави за новинарите во четвртокот дека Русија има намера да ја „обезглави“ демократската влада во Киев. Силите на Путин „повлекуваат чекор кон Киев“, рече функционерот, „во основа ја обезглавуваат владата и инсталираат сопствен метод на управување“.
Во четвртокот вечерта, украинскиот претседател Володимир Зеленски, кој останува во главниот град, нареди целосна воена мобилизација и објави декрет со кој им забранува на украинските мажи на возраст меѓу 18 и 60 години да ја напуштат земјата.
МИА пренесува дека руски тенкови што се движат кон Киев биле запрени во близина на селото Иванков, каде што украинските сили разнеле мост за да го запрат конвојот, пишува „Украинска правда“, повикувајќи се на извор од Генералштабот на вооружените сили на Украина.
Како што се наведува, руски тенкови се упатуваат кон Киев, но почнала борба кај Иванков.
Украинските сили дигнаа во воздух мост за да го запрат рускиот конвој, пишува весникот, додавајќи дека Иванков е на половина пат од границата до Киев.
Украинскиот претседател Володимир Зеленски утринава изјави дека Русија продолжува со ракетните напади врз Украина, но дека нејзините војници се запрени да напредуваат во повеќето правци.
Во телевизиско обраќање, Зеленски рече дека руските напади биле насочени и кон воени и кон цивилни цели.
„Целта на овој напад е притисок. Притисок врз вас драги граѓани. Притисок врз целото наше општество. Нагласувам: не само врз властите, туку и врз сите Украинци, рече Зеленски.
Тој додаде дека нападот го потсетил на нападот на Киев во 1941 година.
„Ние сами си ја браниме државата. Најмоќните сили во светот гледаат од далеку. Дали вчерашните санкции ја убедија Русија? Слушаме на нашето небо и слушаме во нашата земја дека тоа не е доволно, нагласи Зеленски.
Според него, Русија ќе мора да разговара „порано или подоцна“.
Советникот на министерот за внатрешни работи на Украина, Антон Герашченко изјави дека, планот на Русија за денеска е да се пробие до Киев со тенкови од правец на Иванков и Чернигов.
„Најтешкиот ден ќе биде денешниот. Планот на непријателот е да се пробие со колони тенкови од Иванков и Чернигов до Киев, напиша Герашченко на Телеграм.
Тој додаде дека бранителите на Киев се подготвени.
„Нападите врз Киев со крстосувачки и балистички ракети продолжија, наведе Герашченко преку СМС порака до новинарите.
Еще одно видео с моментом взрыва в небе над Киевом
ДАННОЕ СООБЩЕНИЕ (МАТЕРИАЛ) СОЗДАНО И (ИЛИ) РАСПРОСТРАНЕНО ИНОСТРАННЫМ СРЕДСТВОМ МАССОВОЙ ИНФОРМАЦИИ, ВЫПОЛНЯЮЩИМ ФУНКЦИИ ИНОСТРАННОГО АГЕНТА, И (ИЛИ) РОССИЙСКИМ ЮРИДИЧЕСКИМ ЛИЦОМ, ВЫПОЛНЯЮЩИМ ФУНКЦИИ ИНОСТРАННОГО АГЕНТА pic.twitter.com/CmiEnMaXIO
— Дождь (@tvrain) February 25, 2022
🇷🇺 військові злочинці обстріляли мирні райони Києва.🇺🇦 ППО не дала долетіти двом смертельним подарункам “братів” до столиці.Зберігайте спокій,допомагайте один одному,отримуйте інформацію лише з офіційних джерел.https://t.co/isMCmS7367 pic.twitter.com/yY6b5ExbAa
— ЗС УКРАЇНИ (@ArmedForcesUkr) February 25, 2022