Русите се евакуираат од Запорожје, Украинците тврдат дека нуклеарката е подготвена за уништување

Руските окупациски сили стационирани во нуклеарната централа Запорожје „постепено го напуштаат“ објектот  поради зголемена закана од руски диверзантски напад, објави украинското воено разузнавање на 30 јуни.

Меѓу првите кои ја напуштија станицата беа тројца службеници од руската државна нуклеарна компанија Росатом, кои раководеа со персоналот инсталиран од Русија во централата, се вели во извештајот.

Украинските вработени кои претходно потпишаа договор со Росатом добија совет да се евакуираат пред 5 јули, додека персоналот што остана на станицата доби инструкции „да ја обвинат Украина во случај на итни случаи“, напиша украинската разузнавачка агенција.

Од денеска се знае дека шефот на правниот оддел на централата, главниот инспектор и заменикот задолжен за снабдување на централата се евакуирани на Крим окупиран од Русија. Се намалува бројот на руските воени патроли и во градот Енерходар, кој е домаќин на нуклеарната централа Запорожје.

На 23 јуни, шефот на военото разузнавање на Украина, Кирило Буданов, изјави за New Stateman дека Русија ги завршила подготовките за напад на нуклеарната централа, го минирала ладилникот на централата и ја поставила опремата натоварена со експлозив во близина на четири од шесте енергетски единици.

Според Институтот за проучување на војната, Русија можеби ја сигнализира својата подготвеност да ја саботира нуклеарната централа Запорожје за да ја спречи украинска контраофанзива во областа.

 Во областа каде што се наоѓа нуклеарката украинските сили веќе вежбаат деконтаминација на војниците.