Русија за три месеци произведува онолку муниција колку што прави НАТО за една година, вели Руте
Генералниот секретар на НАТО Марк Руте изјави денеска дека Русија за три месеци произведува онолку муниција колку што НАТО успева да произведе за една година, иако таа е економски дваесетпати поголема од Русија.
„Русија се префрли на воена економија. Се уште не сме го сториле тоа. Треба да го забрзаме производството и да ја намалиме бирократијата“, рече Руте на Минхенската безбедносна конференција, нагласувајќи ја потребата од побрзо прилагодување на одбранбените капацитети на НАТО.
Тој, исто така, рече дека членките на алијансата ќе треба да ги зголемат трошоците за одбрана „значително повеќе од три проценти“ од БДП.