Протест во Софија против враќањето на хартиените гласачки ливчиња

 Бугарските граѓани од Софија и од Варна денеска протестираат против враќањето на хартиеното гласачко ливче, јави дописникот на МИА од Софија.

Незадоволните граѓани во бугарската престолнина се собраа на плоштадот пред Народното собрание. Претходно денеска на иницијатива на организацијата „Правда за сите“ беше усвоена и граѓанска декларација против измените на Изборниот законик, усвоени на вчерашната седница на правната комисија на бугарскиот Парламент.

Во Варна протестот се одржува до зградата на општината.

Демонстрантите тврдат дека измените на Изборниот законик се навлегување во изборниот процес. Тие се и против зголемување на составот на ЦИК на Бугарија, што, според нив, ќе доведе до поголема зависност на Комисијата.

Протестот е во организација на „Промените продолжуваат“ и „Демократска Бугарија“. 

Демонстрантите од бугарското Народно собрание се префрлија пред Националната телевизија 

На протестот против враќањето на хартиените гласачки ливчиња во Бугарија, вечерва говореа Кирил Петков од „Промените продолжуваат“, како и високи политичари од „Демократска Бугарија“ и претставници на граѓански организации, јави дописникот на МИА од Софија.

Петков најави дека пратеничката група на неговата партија в среда ќе влезе во Народното собрание, но само за да гласа за работната група предложена од нивна страна за расправа за изборните правила.

На протестот беше упатен повик и барање до бугарскиот претседател, Румен Радев,  да стави вето за измените на Изборниот законик, доколку тој мине во второ гласање во Националното собрание.

По завршувањето на протестите, учесниците се преселија пред зградата на Бугарската национална телевизија поради вечерашното учество на пратеникот на Движењето за права и слободи, Јордан Цонев, во емисијата „Панорама“.

Во Варна протестот беше спроведен до општинската зграда.

Демонстрантите соопштија дека промените во Изборниот законик се посегнување во изборниот процес. Тие се изјаснија и против зголемувањето на составот на ЦИК, што според нив ќе доведе до поголема зависност на Комисијата од политичарите.

Според нив, враќањето на хартиените гласачки ливчиња е манипулација за следните избори. Тие побараа гласањето да не биде мешано, туку само со машински.

Протестот во Варна мина мирно, без тензии.

Како што потсетува дописникот на МИА од Софија, измените во Изборниот законик предвидуваат мешана форма на гласање со машински и хартиени гласачки ливчиња, што на прво читање го поддржаа партијата на Бојко Борисов, социјалистите на Корнелија Нинова и поранешниот премиер Стефан Јанев, како и за Движењето за права и слободи на Мустафа Карадај.