Полска го усвои изборниот закон, избори за претседател на 28 јуни
Варшава – Полскиот горен дом на парламентот, Сенатот, го усвои законот доцна во понеделникот со кој се дозволува претседателските избори да се одржат со мешавина од поштенско и традиционално гласање, потенцијално отворајќи го патот за гласање да се одржи во јуни.
Иако сè уште не е објавен финалниот датум на изборите, владејачката партија Право и правда (ПиС) соопшти дека 28 јуни е последниот датум кога најголемата посткомунистичка држава на Европската унија би можела да го одржи гласањето за да има шеф на државата пред да заврши мандатот на сегашниот претседател.
Законот, вклучувајќи неколку амандмани, беше донесен со 94 сенатори кои гласаа „за“, еден „против“ и четворица „воздржани“. Сега ќе се врати во долниот дом на парламентот, Сејмот.
Изборите беа закажани за 10 мај, но планирањето на гласањето се распадна заради пандемијата на корона вирусот, принудувајќи ја владата да го напушти првичниот распоред. Таа планираше изборите да се одржат во мај само преку гласање по пошта.
Победата на актуелниот претседател Анджеј Дуда, сојузник на ПиС, е клучна за надежите на владата за спроведување на нивната конзервативна агенда, бидејќи претседателот има право да стави вето на законите и да активира предвремени парламентарни избори.
Од доаѓањето на власт во 2015 година, ПиС беше во судир со Европската унија во врска со реформите во судството, за кои критичарите велат дека ја зголемуваат политичката контрола врз судовите, но за кои ПиС вели дека се неопходни за да се отстрани остатокот од комунизмот.
Иако Дуда останува напред во повеќето анкети, неговото водство во последниве недели се стеснува.
Во понеделникот, една анкета на универзитетот СВПС покажа дека Дуда ќе загуби во вториот круг од изборите против еден од неговите двајца главни изборни предизвикувачи, што значи дека изборите може да бидат потесни отколку што првично се мислеше.
Трката стана неизвесна откако главната опозициска десничарска партија Граѓанска платформа го смени кандидатот и го назначи либералниот градоначалник на Варшава, Рафал Тржасковски.
Според истражувањето на СВПС, спроведено на 28 и 29 мај, Дуда би победил во првиот круг, но би загубил во вториот круг од рунда против независниот кандидат Шимон Холовнија, католички новинар, или Тржасковски.
Според истражувањето, Дуда би добил 32 отсто од гласовите во првиот круг. Во вториот, тој би загубил во Холовнија со 61 – 39 проценти, а од Тржасковски со 57 наспроти 43 отсто.
Другите истражувања покажуваат дека Дуда би добил 40 проценти или повеќе во првиот круг и ги победил сите други кандидати во вториот круг.
Полска има 24.271 заразени од корона вирусот и 1.81 починати. Денеска имаше 106 нови случаи и седум починати. (Ројтерс)