Поларните мечки мигрираат од Америка во Русија


 

Просечната годишна температура на Алјаска порасна за 4,8 степени Целзиусови во последните 50 години, и е еден од највидливите знаци на глобалното затоплување, а поради тоа се случува масовен егзодус на поларните мечки.

На Алјаска, на островот Кодијак, на 26 декември 2021 година, измерени се рекордни 19,4 Целзиусови степени.

Затоа животните се принудени да мигрираат од САД во Русија, поради климатските промени.

Далеку од таму, на рускиот остров Врангел во соседното Чукотско Моте, кое е богато со храна за мечките, нивната популација значително се зголеми.

Научниците во 2020 година изброиле рекордни 747 мечки.