Пешачкиот пред училиштето „Јахја Кемал“ на улица Варшавска е црна точка – Родителите бараат итна реакција

Родител во фејсбук групата „Тафталиџе“ сведочи дека за малку тој и неговиот син ќе биле прегазени од два автомобили. 

Овој родител јавно се обрати и до градоначалникот на карпош Сотир Лукровски. 

– Втор пат се обраќам за ист проблем. Секое утро го носам син ми во школо, и секое, ама буквално секое утро, поминување на пешачкиот премин пред школото „Јахја Кемал“ на ул. „Варшавска“ е повеќе борба за живот него поминување улица. Утрово за помалку од секунда две коли ќе не згазеа. Првата воопшто не закочи и покрај тоа што мавтав со раце и ме виде, и мене и детето, а втората излегуваше од паркингот на „Јахја Кемал“ и со шкрипење застана… Едвај…Ве молам, соодветно обележетего го преминот, со светлосна и звучна сигнализација, и фенери ставете над преминот, и правете што и да е потребно, бидејќи ако ништо не превземете, ве сметам за лично одговорни за што и да се случи понатаму, наведува тој во својата објава. 

Тој сподели и фотографии од „црната сообраќајка точка“.

–  Има еден знак за пешачки премин кој е оштетен и накосен, и не се гледа. Од другата страна, од насока на „Лондонска“, нема никаков знак. Сигурен сум дека повеќето родители го имаат истиот проблем, барам подршка од сите комшии и жители на Тафталиџе, додека не е касно!