Пекинг го нападна Џеј Ди Венс за забелешката „кинески селани“

Пекинг возврати откако американскиот потпретседател, Џеј Ди Венс, се осврна на „кинеските селани“ во интервју за одбрана на царините на Доналд Трамп.

Говорејќи за Фокс њуз минатата недела, Венс праша: „Што им донесе глобалистичката економија на Соединетите Американски Држави? А одговорот, фундаментално, се заснова на два принципа – преземање огромна сума на долг за да купиме работи што другите земји ги прават за нас.

За да биде малку покристално јасно, позајмуваме пари од кинеските селани за да ги купиме работите што тие кинески селани ги произведуваат“.

Тој додаде: „Тоа не е рецепт за економски просперитет, не е рецепт за ниски цени и не е рецепт за добри работни места во Соединетите Американски Држави“.

Лин Џијан, портпаролот на кинеското Министерство за надворешни работи, беше запрашан за коментарите во вторникот и рече: „Воедно е зачудувачки и жално да се слушне како овој потпретседател дава такви игнорантни и непочитувани забелешки“.

Министерството за надворешни работи рече: „Притисокот, заканите и уцените не се вистинскиот начин за справување со Кина“.

Коментарите на Венс доведоа до бурни реакции кај кинеските интернет корисници.

„Можеби сме селани, но го имаме најдобриот брз железнички систем во светот, најмоќните логистички способности и водечките технологии за вештачка интелигенција, автономно возење и беспилотни летала. Зарем таквите селани не се прилично импресивни?“ објави корисник на Веибо, според Си-Ен-Ен.

Кина соопшти дека „ќе се бори до крај“ доколку САД продолжат да ја ескалира својата трговска војна, откако Трамп се закани дека ќе додаде дополнителни 50% царини на кинескиот увоз доколку Пекинг не ја повлече својата реципрочна царина од 34% за американските стоки.