Палчо отстранет од судење за да сведочи без страв Кешишев

Адвокатот на обвинетиот Влатко Кешишев, Игор Ефремов, побара денес за време на сведочењето на неговиот клиент од судницата да биде отстранет Љупчо Палевски. Ефремов истакна дека неговиот клиент се плаши да зборува пред Палевски и можно е да не ја каже  вистината. Тој исто така тврдеше дека Палчо на неговиот клиент му давал некави ливчиња да ги потпише во негово име.

На ова се спротистави самиот Љупчо Палевски.

-Ова се лаги, посебно тоа дека сум давал писма и изјави кои треба да се препишат во негово име. Може да биде свртен и со грб но битно ми е да слушам што ќе изјави, рече Палевски.

Сепак, Судот донесе решение обвинетиот Љупчо Палевски – Палчо да се оддали од судница.

На 25.11 Палчо му дал на Кешишев изјава да ја препише и да ја достави до судот додека во комбе се превезувале од затвор кон суд. Со тоа Палчо влијаел врз Кешишев и поради тоа судот одлучи за мерка за оддалечување на Палчо од судницата.

Адвокатот на Палчо, Страшевски исто така најави напуштање на судењето нарекувајќи го „хајка“ и срамна одлука.Судија Стефановски го предупреди адвокатот дека ќе биде парично казнет доколку го напушти судењето и ќе биде избран судија по службена должност.