Орбан од Охрид: Унгарија мора да победи

Унгарскиот премиер Виктор Орбан од Охрид даде интервју за унгарскиот медиум „Радио Кошут“ порачувајќи дека светската економија се дели на источна и на западна, но Унгарија нема да фати страна.

„Владата сака Унгарија, како што победи претходната деценија, да може да ја победи и во  деценијата што е пред нас. Многуте промени што се случија во последниот период ја променија светската економија, а оние што нема да се прилагодат на тоа ќе бидат губитници на промените. За тоа се потребни нови алатки, нови методи и економска политика, а тоа е економската политика на неутралност“, рече тој.

Шефот на унгарската влада додaде дека сега се формираат два блока, еден западен и еден источен, но Унгарија не може да се приклучи на ниту еден од нив.

„Во интерес на Унгарија е да има живи, моќни и длабоки економски односи со двата економски блока во подем“, ја објасни Орбан филозофијата на неговата политика, која се повеќе наликува на таа на Александар Вучиќ. 

Според него, ова што се случува сега е слично на Студената војна. 

„Многу илјади европски компании страдаат од политиката на санкции, но најважно е да бидеме во ред со самите себе. Европа е на самоубиствен пат“, изјави Орбан.

Орбан во Охрид дојде со единаесетмина акредитирани новинари и сниматели и со голема владина делегација која е дел од меѓувладината македонско – унгарска меѓувладина средба.