Облакот од чад над Сибир е поголем од ЕУ

Облак од чад и саѓи поголем од Европската Унија се шири низ Сибир, додека пожарите во арктичкиот круг беснеат веќе трет месец.

Вообичаено замрзнатиот регион, кој е клучен дел од системот за ладење на планетата, исфрла јаглерод диоксид во атмосферата и ги влошува човечки креираните климатски нарушувања.

Серија огромни пожари во северна Русија, Алјаска, Гренланд и Канада испуштија 50 мегатони СО2 во јуни и 79 мегатони во јули, што е далеку над претходниот рекорд за Арктикот.

Интензитетот на пожарите продолжува со 25 мегатони во првите 11 дена од август – и продолжува во времето и на најупорните пожари во 17-годишната база на податоци на сателитскиот систем за мониторинг во Европа.

Марк Парингтон, научник во Службата за мониторинг на атмосферата „Коперник“, рече дека претходниот запис бил само неколку недели. „Не сме го виделе тоа порано“, рече тој. „Интензитетот на пожарите сè уште е над просекот“.

Тој рече дека погодените региони претходно регистрирале невообичаено високи температури и ниско ниво на влага во почвата, што создало идеални услови за палење. На глобално ниво, јуни и јули беа најжешките месеци досега измерени.

Русија најмногу страдаше. Минатиот месец претседателот Владимир Путин ја мобилизира армијата за борба против пожарите, а четири сибирски региони прогласија вонредна состојба. Но пожарите продолжуваат да беснеат. Научникот за набљудување на Земјата Јозеф Ашбахер рече дека само во Сибир, двомесечниот пекол уништил 4,3 милиони хектари шума во тајгите.

Чадот се шири уште повеќе. Анти Липонен, од Финскиот метеоролошки институт, ја проценува погодената област на 5 милиони квадратни километри. „За споредба, областа на ЕУ е околу 4,5 милиони км², а САД се околу 8,1 милиони км²“, рече тој.

Облакот излегува на североисток и се предвидува да стигне до Алјаска, каде што пожарите оваа година веќе изгореа површина поголема од сите пожари што ја уништија Калифорнија минатата година.

Карли Филипс, од Сојузот на загрижени научници, рече дека пожарите во Алјаска изгореле 18,1 милиони хектари шума од 2000 година, повеќе од двојно повеќе од претходните 20 години.

„Емисијата на јаглерод од овие пожари може да го влоши затоплувањето на климата за наредните децении“, напиша таа во блогот. „Екосистемите на Алјаска складираат огромни количини на јаглерод и како пермафорт и почва што се насобрале низ милениуми. Пожарите ги дестабилизираат овие складишта на јаглерод со согорување на почвата и забрзување на испуштањето на гасовите што ја зафаќаат топлината во атмосферата“.

Црниот саѓи, исто така, паѓа на она што останува од мразот на Арктикот ослабувајќи ја неговата способност да ја рефлектира топлината на сонцето.

Во Гренланд сателитските снимки овој месец откриле пожари што се протегале на површина од 380 км, зголемувајќи ги притисоците на топлотниот бран на Арктикот, што предизвикало рекордно топење на второто најголемо парче мраз во светот. Оваа недела, огромен шумски пожар во регионот Кеката остави јагленисана област од 6,9 км².

Од почетокот на годинава, изгореле повеќе од 13,1 милиони хектари, според „Гринпис“, кој вели дека ова ослободило исто толку јаглерод диоксид како издувни гасови од 36 милиони автомобили.

Арктикот не е единствениот загрозен регион. Досега годинава ЕУ имала 1.600 пожари поголеми од 30 хектари, што е за четири пати повеќе од просекот на годишно ниво во текот на претходната деценија, според Службата за мониторинг на атмосферата „Коперник“.

Околу 1.000 туристи оваа недела беа евакуирани од одморалиштата во Гран Канарија за да ги избегнат пожарите. Минатиот месец, камперите мораа да ги напуштат своите шатори, поради пожарот што брзо се шири во јужна Франција за време на топлотниот бран. (Гардијан)