Новиот австралиски премиер го бараше татка си во Италија, за кој мислеше дека е мртов

Ентони Албанезе треба да стане следниот премиер на Австралија откако ја предводеше Лабуристичката партија до првата изборна победа по повеќе од една деценија.

Еден од политичарите со најдолг стаж во земјата им вети на гласачите „безбедна промена“ додека работеше на исфрлање на конзервативната либерално-национална коалиција која е на власт од 2013 година.

Онаму каде што премиерот во заминување Скот Морисон е самонаречен „булдожер“, Албанрџр вети дека ќе биде „градител“.

По пандемијата, во која австралиските држави беа отсечени една од друга и градовите разделени од строги заклучувања, негувањето единство е главен приоритет за новиот лидер.

„Сакам да ги зближам Австралијците. Сакам да ја барам нашата заедничка цел и да промовирам единство и оптимизам, а не страв и поделеност“, рече тој во победничкиот говор во саботата вечерта.

Албанезе (59) се стекна со репутација како бранител на бесплатниот здравствен систем во Австралија, застапник на ЛГБТ заедницата, републиканец и страстен љубител на рагби лигата.

Политичарот со прекар Албо  бил одгледан во социјални станови од самохрана мајка која имала инвалидска пензија. Тој често го наведува своето воспитување како основа за неговите прогресивни верувања.

Албанезе верувал како што му било кажано дека неговиот татко умрел во сообраќајна несреќа пред тој да се роди, но како тинејџер дознал дека неговата мајка всушност останала бремена од оженет маж, кој најверојатно бил сè уште жив.

Подоцна, во 2009, тој го пронајде татка си Карло Албанезе во јужна Италија и замина таму за да се сретне со својот татко за прв пат и со неговите полубраќа и сестри. Неговото презиме Албанезе значи „албански“ на италијански како референца на арбрешкиот народ , кој се доселил во јужна Италија во 14. и 15. век. татко му и мајка му се сретнале на брод во Австралија, на кој тој работел како стјуард. Нивната врска потоа прекинала и секој заминал по својот пат.

Албанезе рече дека неговата мајка, Мариен Елери, била решена да се погрижи да има можности што таа никогаш не ги имала. Со нејзина поддршка, тој стана првиот во семејството кој завршил училиште и отишол на универзитет.

Тој рече дека создавањето подобар свет за неговиот син Нејтан е инспирацијата зад неговиот јавен живот. Албанезе се раздели од својата сопруга со која беше во брак 19 години во 2019 година, а партнерката Џоди Хејдон му се придружи во кампањата.

Албанезе е лидер на Лабуристичката партија три години, преземајќи ја функцијата по шокантниот изборен пораз на претходникот Бил Шортен во 2019 година. Но, тој е стабилен човек на Лабуристичката партија уште од неговите 20-ти.

Тој работеше и во федералната и во државната политика пред да биде избран во парламентот на неговиот 33-ти роденден во изборната единица во Сиднеј во 1996 година.

Во 2007 година, кога лабуристите дојдоа на власт под водство на Кевин Рад, Албанезе стана министер за инфраструктура и транспорт.

Тој остана влијателна фигура кога партијата влезе во бурен период откако Џулија Гилард го замени Рад во 2010 година.

Кога Рад повторно ја презеде премиерската функција во 2013 година, поддршката на Албанезе го доведе до местото вицепремиер. Сепак, тој ја држеше функцијата само 10 недели бидејќи лабуристите ги загубија изборите.

Албанезе сакаше да биде шеф на партијата. И покрај тоа што беше популарен меѓу членовите на партијата, ривалот Бил Шортен имаше поголема поддршка меѓу членовите на парламентот и ја доби функцијата, станувајќи лидер на опозицијата во Австралија.

Но, времето на Албанезе конечно дојде во 2019 година, откако Шортен загуби на два избори и беше сменет како лидер на лабуристите.

Албанезе беше водечки глас на левата фракција на Лабуристичката партија, но откако стана лидер, тој се позиционираше повеќе кон центарот. Пред изборите, тој имаше мака да докаже дека „не е разбуден“ – апел до поконзервативните гласачи кои ја напуштија партијата на изборите во 2019 година.

Ова вклучуваше откажување од неговата поддршка за поагресивни политики за климатска акција, истовремено засилувајќи ја построгата реторика за Кина и националната безбедност.

Тој, исто така, ја поддржа контроверзната политика на Австралија да ги врати назад сите баратели на азил што пристигнуваат со брод – нешто на што некогаш јавно се спротивстави.

Албанезе претрпе физичка трансформација во последниве години, ослабе и дебитираше во нова гардероба, сметајќи ја сообраќајната несреќа во 2021 година како повик за будење.

Сепак, тој остана верен на своите работнички корени, ветувајќи големи трошоци за проблематичниот сектор за нега на стари лица во земјата, поевтина грижа за децата и заживување на производствената индустрија.

„Ова кажува многу за нашата голема земја дека син на самохрана мајка, која била инвалидска пензионерка, која пораснала во јавни станови… може да застане пред вас вечерва како премиер на Австралија. Сакам Австралија да продолжи да биде земја која без разлика каде живеете, кого обожавате, кого сакате или како се презивате, нема ограничувања на вашето патување во животот. Се надевам дека моето патување во животот ги инспирира Австралијците да посегнат по ѕвездите“, рече Алабнезе во својот говор по објавувањето на победата. (Би-Би-Си)