Нови плажи се уредуваат на Дојранското езеро

29/07/2019 10:36
Во Дојран со засилено темпо се изведуваат работите за санација на оштетениот дел од крајбрежјето на Дојранското езеро каде на потегот од плажата ЕЛЕМ до „Стара Мрдаја“, се уредуваат нови плажи и разурнатиот дел од рекреативната патека.

Се работи на расчистување на теренот,чистење на езерото и рамнење и отворање на просторот за новите плажи кои треба да бидат готови за неколку дена.

На забелешката на граѓаните и присутните гости зошто се гради во време на туристичка сезона,градоначалникот Анго Ангов одговори дека темпото на работа го диктираат средствата.

–Општината ги немаше на располагање потребните средства за изведување на активностите.Веднаш штом пристигнаа почнаа работите на терен кои ќе завршат во договорениот термин и за време на Илинденскиот викенд Дојран ќе биде побогат со нови плажи во должина од околу 350 метри крајбрежна линија,рече Ангов.

Реализацијата на проектот чини 5 милиони денари од кои 4,5 милиони денари обезбеди Центарот за развој на Југоисточниот плански регион,а околу половина милион денари општината Дојран. 

Поврзани содржини

Невообичаена исповед на Бајден: Мртвиот вујко никогаш не бил пронајден поради канибалите
Во Кенија се урна хеликоптер со шефот на вооружените сили на земјата и неколку високи воени лица
Ќе се поставуваат фотоволтаични панели на општинската зграда во Дебар
МЗ: Позитивен став кон приватните специјализанти, но решение после изборите
Урбани велосипедисти утре ќе вртат кругови околу „Ист гејт мол“
Температурните разлики се шок за луѓето, летоска можно е да има грмотевични бури
Одредбата за највисока пензија останува, одлучи Уставниот суд
Советот на СОНК одлучи в понеделник да протестира пред Министерството за култура

Најчитани