Новата влада ќе треба да има 24 министри. Сегашната има 20

Доколку ВМРО-ДПМНЕ стигне до двотретинско мнозинство во парламентот и се усвои неопходниот закон владата ќе го зголеми бројот на нејзините членови. Како и бројот на министерствата и министрите без ресор.

Во моментов владата, на чие чело е техничкиот премиер Талат Џафери, има 20 членови. Од нив четворица се потпретседатели.

ВМРО-ДПМНЕ планира воведување на нови министерства, како за енергетика и минерални суровини на пример, но и прегрупирање на некои од досегашнатите и префрлање на одредени сектори од едно во друго.

Пратеникот Антонио Милошоски вчера изјави дека новата влада ќе има 23 министри плус премиерот Христијан Мицкоски. Значи, наместо намалување на владината структура ќе има зголемување.

Трите коалициски партнери во идната влада, ВМРО-ДПМНЕ, „Вреди“ и ЗНАМ, имаат 78 пратеници и ним им требаат уште двајца за двотретинско мнозинство за да се промени законот.