Ослободени 10 од приведените 16 Срби за време на викендот во Косово

Десетмина од Србите приведени оваа сабота и недела на Косово се ослободени по сослушувањето доцна синоќа, објави весникот „Коха диторе“.

Косовските власти уапсија вкупно 16 лица на 5. и 6 април под сомнение дека собирале информации за потенцијални цели на Косово. 

Според косовскиот министер за внатрешни работи Џелал Свечља, за нив биле пронајдени докази за врски со српското воено разузнавање и нападот во Банска во септември 2023 година.

Лицата се приведени во близина на два града во југозападно Косово – четири лица во Ѓаково и 12 во Призрен, а биле во четири автомобили со српска регистрација.

Десетте лица ослободени по распитот биле дел од групата заробена од косовските власти во Призрен, додека на другите две лица им е одреден притвор од 48 часа.

Портпаролот на косовската полиција за регионот на Призрен, Весел Гаши, за „Коха диторе“ изјави дека двете лица се приведени поради лажни информации при претставување, бидејќи тврделе дека се вработени во српското МВР, но не дале документи што го потврдуваат тој факт.

Српскиот претседател Александар Вучиќ рече дека уапсените биле во посета на манастирите во близина на Призрен.

Рашко-призренската епархија на Српската православна црква во Косово извести дека некои од уапсените претходната ноќ ја поминале во гостинските конаци на „Богословија“ во Призрен, дека манастирите секојдневно примаат гости и црквата „не може да ги следи сите свои лица“.

Српската православна служба за Косово соопшти дека Приштина „покренала бран апсења на поклоници“ од Србија под изговор дека ова е „продолжување на дестабилизацијата на ситуацијата на Косово и притисок врз српскиот народ“. „Станува збор за најотворено законско насилство и најфлагрантно кршење на верските слободи“, се вели во соопштението.