Научна кавга во Италија по тврдењата дека вирусот веќе не постоел во земјата

Научна кавга избувна во Италија откако водечки лекар тврдеше дека корона вирусот „повеќе не постои“ во земјата.

„Во реалноста, вирусот клинички веќе не постои во Италија“, рече Алберто Зангрило, раководител на болницата „Сан Рафаеле“ во Милано, главниот град на северниот регион Ломбардија, која беше најтешко погодена од пандемијата. „Брисевите извршени во текот на изминатите 10 дена покажаа вирусно оптоварување кое е апсолутно бесконечно во квантитативна смисла во однос на оние извршени пред еден месец или два месеци“, рече тој во интервјуто за телевизијата РАИ во неделата.

„Некој мора да преземе одговорност за тероризирање на земјата“.

Други експерти сметаа дека Зангрило можел да погрешил со повисока стапка на откривање на асимптоматски случаи со намалена моќ на вирусот.

„Во ситуација кога бројот на тешки случаи паѓа, може е време да се започне со набљудување на лица со помалку тешки симптоми – да се добие впечаток дека вирусот се менува“, рече Мартин Хиберд, професор на Лондонската школа за хигиена и тропска медицина.

Д-р Оскар Меклин, од Центарот за истражување на вируси на Универзитетот во Глазгов, рече дека тврдењата на Зангрило не биле „поддржани од ништо во научната литература и, исто така, изгледаат прилично неоправдани по генетска основа“.

Спорот дојде откако Италија го подготвува својот следен голем чекор за олеснување на тримесечното национално блокирање со повторното прифаќање на странските туристи од среда и прекинување на забраната за патување меѓу регионите. Владата инсистираше на тоа дека ова е една од најопасните фази на пандемијата и ги повика луѓето да се придржуваат кон правилата за социјално дистанцирање и да носат маски за да спречат вирусот повторно да се шири.

Италија пријави 200 нови инфекции и 60 починати во понеделникот. Вкупниот број на починати изнесува 33.475 лица.