Најмалку седум лица повредени во руски напади врз Криви Рог и Изјум

Во напади на руските сили врз Криви Рог и Изјум во источна Украина, во текот на изминатата ноќ се повредени седум лица, соопштија денеска украински официјални лица.

Командантот на Дњепропетровската регионална антитерористичка армија Сергеј Ганжа изјави дека во нападот врз Криви Рог се ранети пет лица, од кои хоспитализирани се маж (42), кој е во тешка состојба, и маж (41) кој е полесно повреден, пренесува Униан. Во рускиот удар се оштетени станбени згради и приватни куќи во тој град.

Околу 4:20 часот, руската армија го погоди источниот перифериски дел на градот Изјум во Харковската област со наведувана авио-бомба, при што беа повредени две лица.

Украинското воздухопловство во објава на социјалните мрежи соопшти дека во текот на изминатата ноќ Русија ја нападнала Украина со 149 јуришни дронови од типот „шахед“, како и со дронови од типот „гербера“ и имитатори на дронови од типот „пародија“, од кои 128 се соборени.

„Погодоци од непријателските воздушни напади се забележани на 13 точки, како и пад на соборени (делови од дронови) на девет точки“, се наведува во соопштението.