На Меџити му пречи што опозицијата критикува

Затворањето на онлајн казината, издвојувањето на 35 милиони евра за изградба на кампусот „Мајка Тереза“, 100 милиони евра за општините се главните проекти што коалицијата ВЛЕН ги вреднува како клучни достигнувања во првите 100 дена од актуелната Влада, составена од ВМРО-ДПМНЕ, ВЛЕН и Движењето ЗНАМ. Првиот вицепремиер Изет Меџити се пожали дека во првите сто дена не им бил даден доволно простор да работат во мир, бидејќи како што рече, се соочиле со деструктивна опозиција, опозиција која дури и работела на дестабилизација на државата.

-И во оваа политичка ротација, интензивно работевме на расчистување на случаите на корупција и мислам дека полека ќе се расчистат овие случаи и нема да се води политика, туку судските и обвинителските органи за сите оние кои грешеле во минатото, кои го користеа политичкиот мандат за лични и семејни цели, изјави Изет Меџити, прв заменик премиер.

Покрај достигнувањата што ги презентираше, Меџити најави и „едношалтерско рабоење “ на четири гранични премини.

-Има одлука и интензивно се работи границите на Табаноце, Блаце, Јажинце и Ќафа Тане да се трансформираат во „one stop shop“ граници од јануари, евентуално најдоцна во февруари, со што значително ќе се олесни циркулацијата на луѓе и стоки, овие граници и ќе ги зближат нашите земји во регионот, изјави Изет Меџити.

Како што напомена Меџити, евроинтеграцискиот процес и условот што земјавата треба да го исполни за негово продолжување, беше, е и ќе остане еден од клучните приоритети на Владата.Тоа, рече, е единствената алтернатива за сите граѓани, а оваа власт има демократски капацитет и знае како да оди по овој пат.