МВР за бркотницата во Лептокарија: Го расчистуваме случајот

Од Министерството за внатрешни работи за „Независен весник“ велат дека случајот со бркотницата во трговскиот центар „Лептокарија“ е документиран и се работи на негово расчистување.
Утринава на социјалните мрежи се објавија видеа на кои се гледа како двајца Кинези, маж и жена бркаат друг маж, најверојатно Македонец. На снимката се гледа дека жената во раката држи нож.

– Нешто пред 12 часот напладне во полицијата е пријавен случајот и наши екипи излегоа на терен. Се работи на расчиствуање на случајот – вели портпаролот на МВР, Тони Ангеловски.

Неофицијално, „Независен весник“ дознава дека расправијата настанала поради неплатена сметка во еден ресторан. Засега, нема повеќе детали околу случајот.