Москва не чекаше долго: Балистички ракети врз Киев по заминувањето на американските преговарачи

Русија и денеска изврши напади од воздух врз украинскиот главен град Киев, кратко по заминувањето на американските мировни преговарачи, напаѓајќи го градот со балистички ракети при што се ранети шест лица, изјави градоначалникот Виталиј Кличко.

Пожари избувнаа низ целиот Киев, изјави Кличко на апликацијата за пораки Телеграм, по како што нагласи – руски напади со балистички ракети.

Петкатна зграда и трикатна зграда беа оштетени, соопшти одделно воената администрација на Киев на Телеграм, барајќи од луѓето да побараат засолниште.

Додека експлозии одекнуваа во Киев, соседна Полска, членка на НАТО и Европската Унија, започна воени воздушни операции за заштита на својот воздушен простор, објавија нејзините вооружени сили на X.

Администрацијата на Трамп ги обнови своите напори за ставање крај на четири и полгодишната војна на Русија во Украина, но Русија ги продолжи нападите откако американските мировни пратеници Џаред Кушнер и Стив Виткоф заминаа по состанокот со украинскиот претседател Володимир Зеленски во неделата. Тие пристигнаа во Киев од разговорите во Москва, по што Кремљ соопшти дека не ја исклучува можноста за продолжување на трилатералните преговори.

Во Русија, украински беспилотни летала оштетија цивилна инфраструктура и повредија луѓе во градот Саратов на реката Волга, околу 730 км југоисточно од Москва, според регионалниот гувернер. Во таа област има голема рафинерија за нафта управувана од државната нафтена компанија Росњефт, како и голем број други индустриски и воени објекти.