Skip to content
18/11/2026
  • Импресум
  • Маркетинг
  • Услови за користење
Независен Весник
  • Политика
  • Македонија
    • Скопје
  • Економија
  • Свет
    • Балкан
  • Колумни
  • Фељтон
  • Култура
  • Сцена
    • Лајфстајл
  • Спорт
  • Хроника
  • Занимливости
    • Технологија
Search
Независен Весник
Search
  • Политика
  • Македонија
    • Скопје
  • Економија
  • Свет
    • Балкан
  • Колумни
  • Фељтон
  • Култура
  • Сцена
    • Лајфстајл
  • Спорт
  • Хроника
  • Занимливости
    • Технологија

Меџити ќе ја замрзне 20 години енергетската транзиција на Македонија

11/09/2024 15:32

 

 

Министерот за животна средина и просторно планирање, Изет Меџити, за време на престојот во Вашингтон објави шокантна вест – дека новата влада практично ќе ја замрзне енергетската транзиција на земјата од јаглен на обновливи извори, односно дека толку ќе ја забави што крајот се предвидува за 2050 година!

„Северна Македонија има за цел да се откаже од употребата на јаглен за енергетски потреби до 2050 година, почитувајќи ги роковите на ЕУ за транзиција кон обновливи извори на енергија”, изјави Меџити на Годишната конференција за енергетска безбедност на Централна и Источна Европа во Вашингтон.

Дури и за ваквата транзиција тој смета дека ќе треба силна финансиска и техничка поддршка од ЕУ и САД. 

„Имајќи ја предвид стратешката позиција на Северна Македонија на Балканот, како и влијанието на војната во Украина и руското влијание, сакам да ја нагласам потребата од зголемено вклучување на САД и ЕУ. Оваа поддршка е од витално значење за да се обезбеди енергетска независност и да се намали руското влијание во регионот”, истакна Меџити во Вашингтон.

Практично, наспроти  ветувањата дека Македонија ќе стане првата „држава без јаглен“ на Западниот Балкан, во неколку наврати се одлага рокот за затворање на електраните на јаглен, а ова последно одлагање практично ја прави транзицијата бесконечна. Првично Македонија планираше целосно исфрлање на јагленот од употреба до 2027 година, но енергетската криза ги промени плановите па рокот за остварување на оваа цел беше продолжен до 2030 година.  

Еуроњуз објави статија според која Македонија има околу 280 сончеви денови во текот на годината, со што идејата за постепеното исфрлање на јагленот од употреба наликува на лесна задача. Според проценката на европските експерти, старите електрани на јаглен ослободуваат огромни количества на токсични емисии во воздухот, уште повеќе што се отвораат нови рудници за лигнит.

Според Еуроњуз дури 47 отсто од електричната енергија во земјата се произведува од лигнит, при што активни се две термоцентрали „РЕК Битола“ и „РЕК Осломеј“. Во 2022 година, електраната на јаглен во Битола имаше најголеми емисии на сулфур диоксид и прашина во регионот на Западниот Балкан. Ослободени се 111.000 тони сулфур диоксид – 17 пати повеќе од дозволеното.

„Тоа е најголемиот предизвик од нашата независност пред 30 години па до денес. И да бидам искрен, немаме друг избор, резервите на лигнит се на крајот“, изјави претседателот на Регулаторната комисија за енергетика на Македонија, Марко Бислимоски минатата година. Беслимоски тогаш рече дека по 10 години од сега Северна Македонија ќе биде ослободена од јаглен, а струјата ќе доаѓа од обновливи извори и гас. Според планот, Македонија треба да затвори две централи на јаглен во земјата, а нивниот капацитет ќе се замени со енергија од 1,7 гигавати (GW) од обновливи извори. Во изминатите две години Северна Македонија успеа да произведе 600 MW од нов капацитет на обновливи извори, главно од сончева енергија.

За споредба, Грција веќе ги затвори сите електрани на јаглен и ги замени со обновлива енергија. 


Поврзани содржини

Блокирани сметките на компанијата „Алта груп“ на Давор Мацура
18/11/2026 12:11
Хакери го нападнаа „Еквинор“, еден од најголемите европски снабдувачи со гас
18/11/2026 12:11
Андоновски: Оние што ќе ја користат вештачката интелигенција, ќе напредуваат побргу, другите ќе стагнираат
18/11/2026 11:11
Летово намалени откупот и продажбата на земјоделски производи
18/11/2026 11:11

Народна банка на Србија ѝ ја одзеде дозволата на Алта лизинг. Следи ликвидација
18/11/2026 10:11
Вкупно 22 пријави на повикот за финансиска поддршка за жени земјоделки од Кавадарци и Неготино
18/11/2026 10:11
Black Friday под лупа: каде навистина се најголемите попусти за мебел во Македонија
18/11/2026 09:11
„Нвидија“ нема да го врати Џенсен Хуанг на функцијата извршен директор
18/11/2026 09:11

Најчитани


  • Мира Марковиќ ќе биде кандидатка за претседател на Франција, номинирана од Анималистичката партија
    14/11/2026 22:09
  • Мицкоски отвори пресметка и со Кире Наумов за случувања пред 10 години
    13/11/2026 15:42
  • Обвинителството во Србија му забрани на газдата на Алта банка, Давор Мацура, да располага со имотот
    11/11/2026 23:07
  • Врне на саемот „Вкуси ја традицијата преку домашна здрава храна“, но мириса на јаболка, вино, ориз…
    14/11/2026 13:25
  • „Имам голем проблем да барам од вас да го смените Уставот“: Сиљановска до пратениците
    17/11/2026 15:23
  • Парите од Алта банка Србија исчезнале од финансискиот систем
    14/11/2026 17:32

© Независен Весник  2019 -2026

  • Импресум
  • Маркетинг
  • Услови за користење