„Луфтханза“ им нуди на патниците брзи тестови за Ковид-19 за 139 евра

Германија – Германската авиокомпанија „Луфтханза“ на аеродромот во Франкфурт им нуди тест за Ковид-19, а резултатите се добиваат за неколку часа. Цената изнесува 139 евра за брз тест и дополнителни девет евра за поврзување на резултатите од тестот со податоците од пасошот на патникот.

„Луфтханза“ заедно со германската компанија „Центогене“ вчера на аеродромот во Франкфурт отвори испитен центар.

– Ваквата процедура на патниците ќе им даде можност да се тестираат на летовите во странство или за престојот во Германија и да можат да го избегнат карантинот, изјави директорот на „Луфтханза“, Бјерн Бекер.

Тој додаде дека за патниците од Германија во земјите како Обединети Арапски Емирати доволен ќе биде тест пред летот, додека кинеските власти би можеле да бараат и тест по слетувањето.

Спорите тестови за Ковид-19, чии резултатите се за шест до осум часа достапен е за 59 евра.