Лудилото со вештачка интелигенција ја лансираше „Нвидија“ над „Амазон“ според пазарната вредност

Во напливот поттикнат од возбудата поради вештачката интелигенција, „Нвидија“ (Nvidia) накратко го надмина „Амазон“ (Amazon) по пазарна капитализација и стана четврта највредна американска компанија.

На рекордно високо ниво од 734,96 долари по акција, пазарната вредност на „Нвидија“  достигна врв на 1,82 билиони долари, за малку надминувајќи ги 1,81 билиони долари на „Амазон“ и зад 1,87 билиони долари на „Алфабет“ , според податоците на ЛСЕГ.

„Нвидија“ последен пат го надмина „Амазон“ по пазарна капитализација во 2002 година, пренесува порталот Зимо. Има големо исчекување пред објавувањето на финансиските резултати на „Нвидија“ за последните три месеци од минатата година, а акциите на компанијата пораснаа за 47 отсто од почетокот на годината и водат на листата на СиП 500.

Огромниот успех на „Нвидија“ во генеративната вештачка интелигенција, евидентен во силните резултати од минатата година, ја зацврсти нејзината позиција како клучен снабдувач на технолошките фирми кои развиваат чет-ботови и генератори на слики.

Поттикнати од силната побарувачка за вештачка интелигенција, акциите на „Нвидија“ пораснаа за неверојатни 223 проценти во текот на изминатите 12 месеци за да го заземат првото место меѓу таканаречените акции „Величествените седум („Magnificent Seven“).

За разлика од нив, „Мета“ платформите следат со 163 отсто раст. Додека „Мајкрософт“ ја освои титулата за највредна компанија во светот во јануари, „Алфабет“ го обезбеди третото место, зад „Епл“.