Лига на шампиони: Ливерпул во групата на смртта, Меси против Манчестер Сити и Гвардиола, Челзи против Јувентус

Атлетико – Мадрид, Ливерпул, Порто и Милан ја сочинуваат групата Б од Лигата на шампионите, одлучи ждрепката што се одржа вечерва во Истанбул, додека актуелниот европски првак Челзи се наоѓа во група со Јувентус, руски Зенит и шведски Малме.

Шериф од Тираспол, кој го исфрли загрепски Динамо во плејофот за Лигата на шампионите и стана првиот молдавски клуб што играл во елитното европско натпреварување, е во групата Д со милански Интер, Реал Мадрид и украински Шахтјор.

Во групата А се англискиот шампион Манчестер Сити, Пари Сен Жермен, РБ Лајпциг и Клуб Бриж, додека групата Ц ја сочинуваат Спортинг Лисабон, Борусија Дортмунд, Ајакс и Бешикташ.

Баерн, Барселона, Бенфика и киевски Динамо ќе се борат за две места кои водат во нокаут фазата на Лигата на шампионите во групата Е, додека во групата Ф се победникот во Европската лига Виљaреал, Манчестер Јунајтед, Аталанта и швајцарскиот шампион Јанг Бојс. Во групата Г се Лил, Севиља, РБ Салцбург и германски Волфсбург.

Првото коло од групната фаза на натпреварувањето е закажано за 14 и 15 септември, а последното ќе се одигра на 7 и 8 декември.

Во февруари (15.-16., и 22.-23.2.) и  во март (8.-9.3. и 15.-16.3.) следната година се закажани натпреварите од осминафиналето, четвртфиналето е во април, на 5 .-6.4. првите натпревари, и реваншите на 12-13 април), како и првите полуфинални натпревари (26-27 април). На почетокот на мај (3-4 мај) закажани се реваншите во полуфиналето, а финалето ќе се одигра на 28 мај на стадионот во Санкт Петербург.

Ждрепка на групите во Лигата на шампионите:

ГРУПА А: Манчестер Сити, Пари Сен Жермен, РБ Лајпциг, Клуб Бриж

ГРУПА Б: Атлетико Мадрид, Ливерпул, Порто, Милан

ГРУПА Ц: Спортинг Лисабон, Борусија Дортмунд, Ајакс, Бешикташ

ГРУПА Д: Интер Милан, Реал Мадрид, Шахтјор Доњецк, Шериф

ГРУПА Е: Баерн, Барселона, Бенфика, Динамо Киев

ГРУПА Ф: Виљареал, Манчестер Јунајтед, Аталанта, Јанг Бојс

ГРУПА Г: Лил, Севиља, РБ Салцбург, Волфсбург

ГРУПА Х: Челзи, Јувентус, Зенит, Малме